تبلیغات بیلمـم، بـو نـازنیـن کیمیـن ایستکلـی یـاریـدیــر؟
بیلمـم، بـو نـازنیـن کیمیـن ایستکلـی یـاریـدیــر؟
یــا هــانســی بختیــارلاریــن بختیــاریــدیــر!
آچـدیقجـا گـول جمـالینـی، ائللـر فـرحلـه نیـر
گویا، گـؤزه للیـک عـالمینیـن نـو بـاهـاریـدیـر
دونیـا بـو نـازنیــن ملگیــن حســرتیــن چکیــر
خلقیـن سئـویملـی آفتـی، هـم شهـریـاریـدیــر
یوز دفعه یانساق عشق اودونا، قورخو بیلمه ریک
چـونکـی دیـاریمیـز بیـزیـم اودلار دیـاریـدیــر
بیـر واخـت سجـده گـاه ایـدی آتـش پـرستلــره
شهـرِ صبـا کـی، مـرکــزی دریــا کنــاریــدیــر
قان ائتمـه سـاقـی بـاغـریمیـزی، بـاده تئـز گتیـر
دولدور قدحلری، گئجه میـز کئچـدی یـاریـدیـر
هر کیم دئییـرسـه، سئـومـه بـو رعنـا گـؤزه للـری
بیلمیر کـی، سئـوگـی عـالمـی بـی اختیـاریـدیـر
بیر گون گلر کی، من گئـده رم، خلـق سئـویلـه یـر:
بیچـاره واحیـدیـن بــو غــزل یــادگــاریــدیــر
علی آقا واحد
برچسب ها: بیلمـم، بـو نـازنیـن کیمیـن ایستکلـی یـاریـدیــر؟،
کفر زلفون ساله لی رخنه لر ایمانیمزا
کفر زلفون ساله لی رخنه لر ایمانیمزا
کافر آغلار بیزیم احوال پریشانیمیزا
سنی گورمک متعذر گورینور بویله کی اشک
سنه باخدیقجه دولار دیده ی گریانیمیزا
جور چوخ ایلمه کی اولمیه ناگه توکه نه؟
آز ایدوب جور و جفالر قیلاسان جانیمیزا !
اسکیک اولماز غممیز بونجه که بیزدن غم آلوب
هر گلن غملی گیدر شاد گلیب یانیمیزا
وار هر حلقه ی زنجیریمیزین بیر آغزی
متصل ورمه گه افشا غم پنهانیمیزا
غم ایام فضولی بیزه بیداد ایتدی
گلموشوک عجزیله داد ایتمگه سلطانیمیزا
"ملامحمد فضولی"
برچسب ها: کفر زلفون ساله لی رخنه لر ایمانیمزا، فضولی، ملامحمد فضولی،
دئدیم:ای غنچه دهن،کونلومو قان ائیله میسن
دئدیم:ای غنچه دهن،کونلومو قان ائیله میسن،
دئدی:بیجا یئره عشقیمده فغان ائیله میسن!
دئدیم:انصاف ائله،اینجیتمه منی،عاشیقینم،
دئدی:گئت،سیرریمی دونیایا عیان ائیله میسن!
دئدیم:- آغلاتما منی سرو بویون شوقونده،
دئدی:گوز یاشینی بیهوده روان ائیله میسن
دئدیم:- آخیر گوزه لیم،باغ و باهاریم سنسن،
دئدی:- سن عومرونو حسرتله خزان ائیله میسن.
دئدیم:- آز چکمه میشم گوزلرینین حسرتینی،
دئدی:- اوز کونلونو یئرسیز نیگران ائیله میسن.
دئدیم :عشقینده اسیرم،منه بس خیری نه دیر؟
دئدی:- اولده بو سئودادا زیان ائله میسن.
دئدیم:عشق اتشی نئیلر منه،قورخان دئییلم!
دئدی:-بیچاره یانارسان نه گمان ائیله میسن؟!
دئدیم:- ای گول،من ازلده نده گوزل عاشیقییم،
دئدی:- سن روحونو عشق ایله جاوان ائیله میسن.
دئدیم:- هر گون سر-کویوندا دولانماقدیر ایشیم،
دئدی:- واحد،نه گوزه ل یئرده مکان ائیله میسن!
"واحد"
برچسب ها: دئدیم:ای غنچه دهان کونلومو قان ائیله میسن، واحد،
حسینه یرلر آغلار گویلر آغلار
نوع مطلب :اشعار استاد شهریار ،
«حسینه یرلر آغلار گویلر آغلار
بتول و مرتضی، پیغمبر آغلار»
حسینـون نوحـه سین «دلـریش» یازاندا
مسلمـان سهلدیـر کــی کافـر آغـلار
کوراولمیش گوزلرین قان دوتدی شمرین
کی گؤروسون اؤز الینده خنجر آغلار
حسینــون کؤینگــی زهــرا الینــده
چکـر قیحــا قیـامت، محشـر آغـلار
آتانـــدا حرملــه اوخ کــربـــلاده
گؤریدین دشمـن آغـلار، لشکر آغلار
قـوجاقینــدا، گؤریــدین امّ لیـــلا
آلــیب نــعش علــیّ‌اکبــر آغـــلار
رباب، نیسگیل دؤشونده سوء گؤرنده
علــیِّ‌اصغــری یــاد ایلــر آغـــلار
باشینــدا کاکــل اکبــــر هـــواسی
یل آغـلار، سنبـل آغـلار، عنبر آغلار
یازانـــدا آل طــه نوحـه‌سین مــن
قلـم گـوردوم سیزیلـدار، دفتـر آغلار
علـی، شقّ‌القمـر محـراب تیلیت قان
قولاق وئر، مسجد اوخشار منبر آغلار
علیــدن، شهریــار، سن‌بیــر اشـاره
قوجاقــلار قبـری، مالک‌اشتـر آغـلار
"استاد شهریار"
برچسب ها: استاد شهریار، حسینه یرلر آغلار گویلر آغلار،
یار آغلادی من آغلادیم (+ترجمه ی فارسی)
یارین بویون قوجاخلادیم یارآغلادی من آغلادیم باشیندا قارلی داغلارا دانشدیم آیرلیق سوزون طاریمدا نار آغاجلاری منی گوروب دانیشدیلار ایله که اسدی بیر خزان تالاندی گوللیرم منیم اورک سوزون دئدیم تارا سیملر اولدی پارا پارا دئدیم کی حق منیم کی دیر باشیمی چکدیلر دارا «جعفریم»بویوم بالا غم اورکده قالا قالا "هوشنگ جعفری ***** ترجمه دست بر گردن یار انداختم یار گریست و من گریستم (طارم از شهرستانهای زنجان) درختان انار طارم مرا دیدند به حرف آمدند حرف دل را چو با تار گفتم سیمهایش پاره پاره شد گفتم كه حق بامن است و سرم را به دار كشیدند
ییغشدی قونشولار بوتون جار آغلادی من آغلادیم
بیر آه چکیب باشینداکی قار آغلادی من آغلادیم
بویومو زیتون اوشاخدی نار آغلادی من آغلادیم
خبر چاتینجا بولبوله خار آغلادی من آغلادیم
یاواش یاواش سیزیلدادی تار آغلادی من آغلادیم
طنف سیخاندا بوینومو دار آغلادی من آغلادیم
یار جانمی آلا آلا یار آغلادی من آغلادیم
همسایه ها جمع شدند همه همسایه گریست و گریستم
به قله های پوشیده از برف حدیث جدایی گفتم
آهی كشید برفش گریست و من گریستم
زیتون نازم را كشید و انار گریست و من گریستم
چون باد پائیزی وزیدن گرفت و گلهای من به تاراج رفت
تا خبر به بلبل برسد خار گریست و من گریستم
با سوزی آرام تار گریست و من گریستم
وقتی طناب دار گردنم را می فشرد دار گریست و من گریستم
نامم« جعفری» با قامتی كوتاه؛ با سنیه ای مالامال دردم
در حالی که جان به یار تقدیم می کردم یار گریست و من گریستم
برچسب ها: جعفری یم بویوم بالا غم اورکده قالا قالا، یار آغلادی من آغلادیم، یار آغلادی من آغلادیم (+ترجمه ی فارسی)،
سن سیز ای گول کونلومون بیر دم قراری یوخدو، یوخ
سن سیز ای گول کونلومون بیر دم قراری یوخدو، یوخ
سن دن اؤزگه، نئیله سین، بیر غمگساری یوخدی، یوخ
درد هیجرین چاره سی هرچند بیلدیم صبرایمیش
نئیله ییم، بالله بو دریانین کناری یوخدو، یوخ
لئیلی- لئیلی سؤیله ییب چوخلار دئییر کیم عاشیقم
لیک مجنون تک اونون بیر داغداری یوخدو، یوخ
گوللری، بولوللری، آب و هاواسی چوخ گؤزل
حئیف کیم بو گولشنین بیر گولعذاری یوخدو، یوخ
هئچ عیبین یوخ، گؤزلیک هامی سنده جمع دیر
نئیله ییم آمما کی، عهدین اعتباری یوخدو،یوخ
سن نه بسلرسن بو ترلانی نباتی، روز و شب
من بو داغی چوخ دولاندیم بیر شیکاری یوخدو، یوخ
"ابوالقاسم نباتی"
گریبان اولدی رسوالیق الی له چاک، دامن هم
گریبان اولدی رسوالیق الی له چاک، دامن هم
منه رسوالیقیم دا دوست لار طعن ائتدی، دشمن هم
ره عشق ایچره جان قیلدیم گرفتار بلا، تن هم
بو یئتمزمی کی بیـــر درد آرتیریرسان دردیمه سن هم
اگر توتسام غمیم ائل دن نهـــان، صبر و قراریم یوخ
وگر شرح غم پنهانیم ائتسم، غمـگساریم یوخ
اسیـــر بند زندانم، الیم ده اختیاریم یوخ
بو یئتمزمی کی بیر درد آرتیریرسان دردیمه سن هم
اولوب دور اشک خونابی له گلگـــون چهـرۀ زردیم
یانیب دیر آتش هجرانه جان دردپـروردیم
جفای چرخ کـــج رفتار الین دن وار میـــن دردیم
بو یئتمـــزمی کی بیر درد آرتیریرسان دردیمه سن هم
گهی شـوق وصال و گه بلای هجـــرایله زارم
ئوزوم هم بیلمـــه زم دردیم نه دیر؛ من نئجه بیمارم
غم عشق ایچـــره بیر درمانی یوخ درده گرفتـــارم
بو یئتمـــزمی کی بیر درد آرتیریرسان دردیمه سن هم
جـدا سن دن، بلا و درد هجران ایله توتدوم خو
قیلیـــر هر دم منه بیـداد درد آیرو، بلا آیرو
بلا و درده دوشـدوم روزگاریم بویله، حالیـم بو
بو یئتمزمی کی بیر درد آرتیریرسان دردیمه سن هم
طبیب عشقه چون اظهار قیلـــدیم درد پنهانی
من بیـــماره مطلق اولمادی بیر صحت امکانی
ازل دن وار بیر دردیم کی یوخ دور هیـــچ درمانی
بو یئتمـــزمی کی بیر درد آرتیریرسان دردیمه سن هم
فضولی هر زمان بیر طعن ایله باغـــریم قیلیـــرسان قان
عجب بیلمـــزمی سن کیم عشقـدن کئچمک دئیل آسان
بیلیـــرسن دوشموشم بیـــر درده کیم یوخ دور اونا درمان
بو یئتمـــزمی کی بیر درد آرتیریرسان دردیمه سن هم
"ملا محمد فضولی"
برچسب ها: ملا محمد فضولی، گریبان اولدی رسوالیق الی له چاک، دامن هم، بو یئتمـــزمی کی بیر درد آرتیریرسان دردیمه سن هم،
یغیلماییر یوللاردان فیکریم خیالیم
یغیلماییر یوللاردان فیکریم خیالیم
گوروم بو یوللاردا کیمیم وار منیم
کسیلیب قاپیدان گدیب گلنیم
یوخ مطلب قانانیم قدیر بیلنیم
دومانلار ایچینده یورگون کوهلنیم
طوفانلار بوینوندا گمیم وار منیم
اوزگنی گولدورن سوزوم صحبتیم
اوزومی آغلادان غمیم وار منیم
گوزلرین آلدی منی
گوزلرین آلدی منی
کمنده سالدی منی
گئتمه گئتمه گل گوزل یار
گئتمه گئتمه گل
آمان دیر قویمایین
یار گوزدن سالدی منی
گئتمه گئتمه گل گوزل یار
گئتمه گئتمه گل
قوربان آخان گوزونه یار
نازلا باخان گوزونه یار
یئنه سورمه چکیب سن
ائولر ییخان گوزونه
گئتمه گئتمه گل
گوزلرین مستی نه دیر
ائله بیر قصدیمه دیر
گئتمه گئتمه گل گوزل یار
یار منی اینجیتمکدن
بیلمیرم قصدی نه دیر
گئتمه گئتمه گل گوزل یار
قوربان آخان گوزونه
نازلا باخان گوزونه
یئنه سورمه چکیب سن
ائولر ییخان گوزونه
یاریما دئمیشم منه ساز آلسین(آمان ننه)
یاریما دئمیشم منه ساز آلسین
آمان ننه جان ننه ای جان ننه
اونو چالیم دردی غمیم آزالسین
آمان ننه جان ننه ای جان ننه
مگر من اول میشم یاریم گوجالسین
آمان ننه جان ننه ای جان ننه
آیری دوشدوم گولومدن بولبولومدن
آمان ننه جان ننه ای جان ننه
او قَدَر سئویرم دوشمور دیلیمدن
آمان ننه جان ننه ای جان ننه
بایاتی
داغلاری گزدیم انجاق تئلیم ده ساری سنجاق نه قیز اولدوم نه گلین اودلار دا یاندیم انجاق
کوچه- ترجمه ی شعر فریدون مشیری
نام شعر : کوچه شاعر : یوسف اعظمی نوع شعر : نو
سنسیز آیلی گئجه ده من یئنه اول کوچه دن اؤتدوم
وار وجودوملا گؤز اولدوم، حئیران آردینجا گزیشدیم
سنی گؤرمک ماراغی چاغلادی جانیم چاناغیندا
یئنه اولدوم سنه وورغون ، سنه شئیدا
جانیمین ان قارا ظولمت بوجاغیندا
خاطیرهن نورونو ساچدی
یادی نین گولشنی آچدی
گول یادین عطرینی ساچدی
یادیما دوشدو قوشا بیر گئجه
اول کوچه دن اؤتدوک
قاناد آچدیقدا او آرام گئجه
بیرلیکده دولاندیق
نئچه آنلیق بولاغین سئیرینه دالدیق
سن تؤکولموش بوتون اسرار جهان قاره گؤزونده
من ده دالمیش باخیشیندا او اوزونده
گؤیده اولدوز گئجه آرام
باخت یار اولدو ، زامان رام
آی اوزون نازلی بولاقدا سویا سالمیش
اللری گؤیده بوداقلار سانکی آیی اله آلمیش
گئجه و چول و چامورلوق همی داشلیق
هامیسی بایقوشون آوازینا دالمیش
یادیما دوشدو دئدین : گل چکین آرتیق بوراخ عشقی
نئچه آنلیق سویا بیر باخ !
سو دئییلدیرمی موقت هو سین گوزگوسو آرتیق ؟
سن بوگون بیر باخیش ایله نیگران اولسان عزیزیم
صاباحی گؤزله کی کؤنلون یاد الینده اولاجاقدیر
اورگین عشقی اونوتسون دئیه بو شهری بوراخ گئت
دئدیم : عشقی اونودوم مو؟
سنی بیر آن من آتیممی ؟
ایلک گوندن کی بو کؤنلوم قاناد آچدی سنه ساری
قوناراق دام باشینا من سنه باخدیم
سن داش آتدین منی قوودون
من نه قاچدیم ، نه ال اوزدوم
اووچواولسان دئدیم اول من ده اووام بو قارا چؤلده
من بو عشقی اونودوم مو ؟
سنی بیر آن من آتیم می ؟
گوزیاشی آخدی بوداقدان
اینله ییب بایقوش اوچوب کؤچدو بوداقدان
گؤزیاشین تیتره ییب آخدی
آی دا بو عشقینه گولدو
یادیما دوشدو کی ، دینمز- سؤله مز قالدین او حالدا
من ده آرتیق غمه دالدیم
نه ال اوزدوم نه ده قاچدیم
باتدی غم ظولمتینه
اول گئجه ، هم ده قارا گونلر
نه کئچیرسن داها اول کوچه دن آرتیق اؤتوشورسن
نه ده دردیندن اؤلن عاشیقینی باشه دوشورسن
سنسیز ایندی نئجه اول کوچه یه آددیم باسارام من؟؟؟
دنبالک ها: وبلاگ آقای یوسف اعظمی ، شعر کوچه (فریدون مشیری) ،
آیریلیق
نام شعر : آیریلیق شاعر : رجب ابراهیمی ( فرهاد)
فیکریندن گئجه لر یاتا بیلمیرم
بو فیکری باشیمدان آتا بیلمیرم
دئییرم چون سنه چاتا بیلمیرم
آیریلیق، آیریلیق، آمان آیریلیق
هر بیر دردن اولار یامان آیریلیق
اوزوندور هیجرینده قارا گئجه لر
بیلمیرم من گئدیم هارا گئجه لر
ووروبدور قلبیمه یارا گئجه لر
آیریلیق، آیریلیق، آمان آیریلیق
هر بیر دردن اولار یامان آیریلیق
یادیما دوشنده آلا گوزلرین
گویده اولدوزلاردان آلام خبرین
نئیله ییم کسیبدیر مندن نظرین
آیریلیق، آیریلیق، آمان آیریلیق
هر بیر دردن اولار یامان آیریلیق
آیریلیق دردینی چکمه ین بیلمز
یاردان آیری دوشن گوز یاشین سیلمز
دئییرلر اینتظار خسته سی اؤلمز
آیریلیق، آیریلیق، آمان آیریلیق
هر بیر دردن اولار یامان آیریلیق
نئجه کی ائلیمدن آیری دوشندن
سورار بیربیرینی گوروب بیلندن
حسرتله سیزلار یار داییم بو غمدن
آیریلیق، آیریلیق، آمان آیریلیق
هر بیر دردن اولار یامان آیریلیق
ایل لردی اوزاقام آرخام ائلیم دن
بلبلم دوشموشم آیری گولوم دن
جور ایله آییریب شیرین دیلیم دن
آیریلیق، آیریلیق، آمان آیریلیق
هر بیر دردن اولار یامان آیریلیق
اولوبدور بیگانه یاریم_ یولداشیم
غریبه ساییلیر سئوگیم – سیرداشیم
بوجاوان چاقیمدا آغاردیب باشیم
آیریلیق، آیریلیق، آمان آیریلیق
هر بیر دردن اولار یامان آیریلیق
منی آغلاداندان گولوش ایسته رم
آیری دوشنیمله گوروش ایسته رم
حصاری ییخماقا یوروش ایسته رم
آیریلیق، آیریلیق، آمان آیریلیق
هر بیر دردن اولار یامان آیریلیق
سئوگیلیک اولوبدور شانی فرهادین
سئوگی سی هاردادیر، هانی فرهادین
دییه ره ک چیخاجاق جانی فرهادین
آیریلیق، آیریلیق، آمان آیریلیق
هر بیر دردن اولار یامان آیریلیق
بار الهی سن منی بی عشق جانان ایله مه
بار الهی سن منی بی عشق جانان ایله مه
عشقیله شادم داخی دردیمه درمان ایله مه
مدعیله وعده قیلما قولینا قیلماز وفا
هر وفاسیز یارینا سن عهد و پیمان ایله مه
گر وصالیندن مدد قیلمازسان ای آرام جان
چشمیمی گریان ادوب باغریمی بریان ایله
لبلری دورینده اول گول یوزلو یاریم دم به دم
غنچه نی ای باغبان گلشن ده خندان ایله مه
بو خطایی خسته نین قیلما مشوش خاطرین
آغ یوز اوسته اول قرا زلفی پریشان ایله مه
اولابیلمز
هر عاشق اولان عشقه گرفتار اولابیلمز
هر خورما ساتان میثم تمار اولابیلمز
مخلوق خداوند اوزونه اولمیان عاشیق
حق عاشقه تك صاحب ایثار اولابیلمز
دونیا مالونا شهرتینه وورقون اولانلار
انفاق ایلهمز طالب دیدار اولابیلمز
ماموره اگر رشوه یماخ اولماسا عادات
مظلوملارین قاننه ظالم سورا بیمزا
میمون تكین هر سوزه تقلید ایلینلر
اندیشه ادیب صاحب افكار اولابلمز
صابر یمه غم هر گونین ئوز قصه سه واردور
مفرق پاراسه گوهر شهوار اولابیلمز
آخرین پستها
کفر زلفون ساله لی رخنه لر ایمانیمزا پنجشنبه 21 آذر 1392
دئدیم:ای غنچه دهن،کونلومو قان ائیله میسن دوشنبه 11 آذر 1392
حسینه یرلر آغلار گویلر آغلار پنجشنبه 23 آبان 1392
یار آغلادی من آغلادیم (+ترجمه ی فارسی) دوشنبه 13 آبان 1392
سن سیز ای گول کونلومون بیر دم قراری یوخدو، یوخ دوشنبه 11 شهریور 1392
گریبان اولدی رسوالیق الی له چاک، دامن هم پنجشنبه 31 مرداد 1392
یغیلماییر یوللاردان فیکریم خیالیم یکشنبه 27 مرداد 1392
گوزلرین آلدی منی پنجشنبه 25 آبان 1391
یاریما دئمیشم منه ساز آلسین(آمان ننه) چهارشنبه 24 آبان 1391
بایاتی دوشنبه 1 آبان 1391
کوچه- ترجمه ی شعر فریدون مشیری جمعه 13 مرداد 1391
آیریلیق یکشنبه 18 تیر 1391
بار الهی سن منی بی عشق جانان ایله مه پنجشنبه 8 تیر 1391
اولابیلمز چهارشنبه 21 دی 1390
لیست آخرین پستها