تبلیغات
شعر های تورکی - خان ننه
شعر های تورکی
تورکی شعرلر

خان ننه

نوشته شده در تاریخ : چهارشنبه 15 دی 1389   05:18 ب.ظ

نوع مطلب :اشعار استاد شهریار ،

خان ننه

خان ننه هایاندا قالدین بئله باشیوا دولانیم نئجه من سنی ایتیردیم!

داسنین تایین تاپیلماز سن اولن گون عمه گلدی منی گتدی آیری كنده

من اوشاق نه آنلیایدیم؟ باشیمی قاتیب اوشاقلار نئچه گون من اوردا قالدیم

قاییدیب گلنده باخدیم یئریوی یغیشدیریبلار نه اوزون و نه یئرین وار

"هانی خان ننه م "سوروشدوم دئدیلر كه:خان ننه نی آپاریبلا كربلایه

كه شفاسین اوردان آلسین سفری اوزون سفردیر بیر ایكی ایل چكر گلینجه

نئجه آغلارام ،یانیخلی نئچه گون ائله چیغیردیم كه سسیم سینم توتولدی

او،من اولماسام یانیندا اوزی هئچ یئره گئدنمز بو سفر نولوبدی، من سیز

اوزی تك قویوب گئدیبدی؟ هامیدان آجیج ائدر كن هامییا آجیخلی باخدیم

سونرا باشلادیم كه:من ده گئدیرم اونون دالینجا دئدیلر سنین كی تئزدیر

امامین مزاری اوسته اوشاغی آپارماق اولماز سن اوخا قرآنی تئز چیخ

سن اونی چیخینجا بلكه گله خان ننه سفردن تله سیك ،روانلاماقدا

اوخویوب قرآنی چیخدیم كه یازام سنه: گل ایندی داها چیخمیشام قرآنی

منه سوقت آل گلنده آما هر كاغذ یازاندا آقامین گوزی دولاردی

سنده كی گلیب چیخمادین نئچه ایل بو انتظاردا گونی ،هفته ی سایاردیم

تا یاواش یاواش گوز آچدیم آنلادیم كه سن اولوبسن!

بئله بیلمیه هنوزدا اوره گیمده بیر ایتیك وار گوزوم آختارار همیشه

نه یاماندی بو ایتیك لر خان ننه جانیم نولیدی سنی بیرده من تاپایدیم

او آیاقلار اوسته بیرده دوشه نیب بیر آغلایایدیم قولی حلقه سالمیش ایپ تك

او آیاغی باغلیایدیم كه داها گئدنمیه ایدین

گئجه لر یاتاندا سن ده منی قوینوا آلاردین نئجه باغریوا باساردین

قولون اوسته گاه سالاردین آخی دنیانی آتارگن ایكیمیز شیرین یاتاردیق

یوخودا"لولئی" آتاركن سنی من بلشدیرردیم گئجه لی سو قیزدیراردین

اوزیوی تمییز لیه ردین گنه ده منی اوپردین هیچ منه آجیخلامازدین

ساواشان منه كیم اولسون سن منی هاوار دوراردین منی، سن آنام دوینده

قا پیب آرادان چیخاردین ائله ایستیلك او ایستك داها كیمسه ده اولورمی؟

اوره گیم دئییر كه :یوق یوق او درین صفالی ایستك منیم او عزیز لیگیم تك

سنیله گئدیب توكندی خان ننه اوزون دئییردین كه:سنه بهشته آلله

وئره جك نه ایستیورسن بو سوزون یادیندا قالسین

منه قولینی وئریبسن بیلیسن نه ایسترم من؟

سوزیمه درست قولاق وئر: (سن ایله اوشاخلیق عهدین)

خان ننه آمان نولیدی بیراوشاخلیقی تاپایدیم

بیرده من سنه چاتایدیم سنیلن قوجاقلاشایدیم

سنیلن بیر آغلاشایدیم یئنیدن اوشاق اولوركن قوجاغوندا بیر یاتایدیم

ائله بیر بهشت اولورسا داها من ئوز آللاهیمدان باشقا بیر شئی ایستمزدیم

تبریز ــــ استاد شهریار فروردین 55 در 70 سالگی


نوشته شده توسط:مهدی شرقیان