تبلیغات
شعر های تورکی - حسینه یرلر آغلار گویلر آغلار
شعر های تورکی
تورکی شعرلر

حسینه یرلر آغلار گویلر آغلار

نوشته شده در تاریخ : پنجشنبه 23 آبان 1392   05:16 ب.ظ

نوع مطلب :اشعار استاد شهریار ،

«حسینه یرلر آغلار گویلر آغلار
بتول و مرتضی، پیغمبر آغلار»

حسینـون نوحـه‌ سین «دلـریش» یازاندا
مسلمـان سهلدیـر کــی کافـر آغـلار

کوراولمیش گوزلرین قان دوتدی شمرین
کی گؤروسون اؤز الینده خنجر آغلار

حسینــون کؤینگــی زهــرا الینــده
چکـر قیحــا قیـامت، محشـر آغـلار

آتانـــدا حرملــه اوخ کــربـــلاده
گؤریدین دشمـن آغـلار، لشکر آغلار

قـوجاقینــدا، گؤریــدین امّ لیـــلا
آلــیب نــعش علــیّ‌اکبــر آغـــلار

 رباب، نیسگیل دؤشونده سوء گؤرنده
علــیِّ‌اصغــری یــاد ایلــر آغـــلار

باشینــدا کاکــل اکبــــر هـــواسی
یل آغـلار، سنبـل آغـلار، عنبر آغلار

یازانـــدا آل طــه نوحـه‌سین مــن
قلـم گـوردوم سیزیلـدار، دفتـر آغلار

علـی، شقّ‌القمـر محـراب تیلیت قان
قولاق وئر، مسجد اوخشار منبر آغلار

علیــدن، شهریــار، سن‌بیــر اشـاره
قوجاقــلار قبـری، مالک‌اشتـر آغـلار

"استاد شهریار"



نوشته شده توسط:مهدی شرقیان


برچسب ها: استاد شهریار، حسینه یرلر آغلار گویلر آغلار،